Testohet për herë të parë droni Bayraktar në qiellin e Kosovës

Droni Bayraktar ka fluturuar sot në qiellin e Kosovës, saktësisht në Gjakovë.

Pamjet i ka publikuar qytetari Ngadhnjim Haxhosaj në Facebook.

“Kjo ndjenjë vertetë ishte fantastike qe dikur se kam imagjinu. Zhurma e Bajraktarit me ngjalli emocion dhe një siguri e forcë. Ne që jemi rrit me zhurmën e MIG-ut serbë që ndjellte frikë te qytetarët e tash kur e shohim nje dronë ne qiell që është i Kosovës na bën krenar. Bajraktari mbi Gjakovë, krenari, siguri e forcë“, ka shkruar qytetari.

Ndryshe, kryeministri i Kosovës, Albin Kurti, gjatë korrikit njoftoi se Kosova ka blerë dronë Bayraktar TB-2 nga Turqia.

Bayraktar (Flamurtar) është një dron relativisht i lirë, që për herë të parë ka fluturuar më 2014.